Երևանի քաղաքապետարանի գործակարգավարական խորհրդակցության ժամանակ այսօր՝ նոյեմբերի 6-ին, քաղաքապետ Տիգրան Ավինյանն նշեց, որ պլանից 58 հազար ավելի ուղևոր է փոխադրվել մետրոյով, ինչը նշանակում է, որ մետրոպոլիտենը ծանրաբեռնված է աշխատում․ «Ունե՞նք կանգնած վագոններ»։
Մետրոպոլիտենի տնօրեն Բաբկեն Սեդրակյանն ասաց, որ այդպիսիք կան, սպասում են անվազույգերի գալուն։
«Վագոններ կան, որ էլի պետք է գիծ դուրս գան։ 620 միլիոն Կառավարությունը հաստատել է, բայց այսքանով պետք է չսահմանափակվենք, որովհետև մենք էլի հրատապ ծախսեր ունենք պահեստամասերի և մնացած այլ աշխատանքնների համար»,-նշեց նա։
Ըստ Սեդրակյանի՝ 620 միլիոնով ձեռք է բերվելու 32 անվազույգ և 4 կմ ռելս. «3 չաշխատող վագուն կսկսի աշխատել։ Մոտավորապես 10-ը կանգնած են։ Եթե 3 ամսվա մեջ մատակարարը մատակարարի շատ արագ աշխատանքները կանենք։ Մեզ ընդամենը պետք է 15 օր, որպեսզի վերականգնենք»։
Մետրոսպոլիտենի տնօրենը նաև ներկայացրեց մյուս հրատապ հարցերը՝ նշելով, որ արդեն մրցույթներ են հայտարարված պահեստամասեր ձեռք բերելու համար՝ հավելելով, որ միայն անվազույգերով հարց չի լուծվում։
