Բրյուսելում կայացած գագաթնաժողովից հետո ԵՄ առաջնորդները հայտարարել են  Հայաստանի և Ադրբեջանի միջև կարգավորման հարցում միջնորդությունը շարունակելու մտադրության մասին, ասել է Եվրոպական խորհրդի ղեկավար Շառլ Միշելը, փոխանցում է РИА Новости-ն։

«Մենք քննարկել ենք իրավիճակը Հարավային Կովկասում: Վճռականորեն ենք տրամադրված շարունակել գործել որպես միջնորդներ՝ նպաստելու Եվրամիության աջակցությամբ Ադրբեջանի և Հայաստանի միջև հարաբերությունների կարգավորմանը, որը հիմնված է տարածքային ամբողջականության և ինքնիշխանության փոխադարձ ճանաչման սկզբունքների վրա», – ասել է նա: