Ռուբեն Վարդանյանին Ադրբեջանում սպառնում է 14 տարվա ազատազրկում, ինչը բխում է նրա դեմ հարուցված Ադրբեջանի քրեական օրենսգրքի հոդվածներից։ Գրում է РИА Новости-ն։
Ավելի վաղ Ադրբեջանի պետական անվտանգության ծառայությունից հայտնել էին, որ գերեվարված Ռուբեն Վարդանյանը մեղադրվում է 214-1 (ահաբեկչության ֆինանսավորում), 279.3 (մասնակցություն ապօրինի զինված կազմավորումների կամ խմբերի ստեղծման և գործունեության մեջ) և 318.1 (օտարերկրացու կամ քաղաքացիություն չունեցող անձի ապօրինի ժամանումը Ադրբեջան) հոդվածներով։
Այս հոդվածները նախատեսում են մինչև 14 տարի ազատազրկում։
