Թուրքիայի նախագահ Ռեջեփ Թայիփ Էրդողանը Նախիջեւանից Անկարա վերադարձի ճանապարհին պատասխանել է թուրք լրագրողների հարցերին։

Թուրքական Anadolu գործակալության փոխանցմամբ՝ Թուրքիայի նախագահ Ռեջեփ Թայիփ Էրդողանը, պատասխանելով լրագրողների հարցերին, անդրադարձել է նաեւ Ադրբեջան–Հայաստան խնդիրներին։

Էրդողանը հայտարարել է, թե սեպտեմբերի 11-ին Հայաստանի վարչապետ Նիկոլ Փաշինյանի հետ հեռախոսազրույցի ժամանակ նրան ասել է, թե Թուրքիան սպասում է, որ Հայաստանը գործընթացը ձգձգելու փոխարեն ուժեղ կամք դրսեւորի։

«Ադրբեջանի եւ Հայաստանի հարաբերությունների մեջ առաջընթացը կարագացնի տարածաշրջանային կարգավորումը։ Հարավային Կովկասում կայունության, խաղաղության եւ բարգավաճման համար շարունակելու ենք աշխատել Ադրբեջանի հետ։