ՀՀ արտաքին գործերի նախարարի մամուլի խոսնակ Անի Բադալյանը Twitter-ի իր միկրոբլոգում հայտնում է, որ Ադրբեջանական պետական հեռուստաընկերությունը հեռարձակել է 35 րոպեանոց «ֆիլմ», որը Հայաստանը ներկայացնում է որպես Ադրբեջանի ինքնիշխան տարածք։
Հայաստանն «անհետանում է» քարտեզի վրայից։ Սա ոչ այլ ինչ է, քան ակնհայտ քարոզչություն և հարևանի սուվերենությանն ուղղված անթաքույց սպառնալիք»,-նշել է նա:
1/2 Azerbaijani stateTV just broadcasted 35-minute “film” which, in short, presents whole sovereign territory of Republic of #Armenia🇦🇲as Azerbaijani territory. As seen⬇️, Armenia “fades” from map. This is nothing short of open propaganda &blatant threat agnst sovereign neighbor. https://t.co/63duSnlU5h pic.twitter.com/jGboh1kbBe
— Ani Badalyan, Spokesperson of MFA of Armenia (@ArmSpoxMFA) August 5, 2023
Անի Բադալյանը նշել է, որ Հայաստանի շրջանները, մայրաքաղաք Երևանն ու Սևանա լիճը երևում են ադրբեջանական տեղանուններով:
«Սա առաջին դեպքը չէ: Կեղծ մատնանշումներով Ադրբեջանը մշտապես իր հանրությանը հակահայկական տրամադրություններով է սնում: Որպես տարածաշրջանի համար դատապարտելի և անընդունելի վարքագիծ` այն պետք է վճռականորեն մերժվի բոլորի կողմից»,- գրել է նա:
