Իսրայելի նախկին վարչապետ Նաֆթալի Բենեթը պնդում է, որ ՌԴ նախագահ Վլադիմիր Պուտինը Ուկրաինայում ռուսական հատուկ գործողության սկզբում իրեն վստահեցրել է, որ Վլադիմիր Զելենսկին չի ոչնչացվի, փոխանցում է РИА Новости-ն։
Բենեթը YouTube-ի իր ալիքում հրապարակած հարցազրույցում ասել է, որ ռուսական հատուկ գործողության մեկնարկից հետո Զելենսկին խնդրել է իրեն կապ հաստատել Պուտինի հետ։ Դրանից հետո Իսրայելի այն ժամանակվա վարչապետը, ըստ նրա, ստանձնել է կողմերի միջեւ միջնորդի դերը։
«Ես նրան ասացի. «Ուզում եմ պարզաբանել, դուք ինձ ձեր խոսքն եք տալիս, որ չեք սպանի Զելենսկիին»: Նա պատասխանեց. «Ես չեմ սպանի Զելենսկիին», – նշում է Իսրայելի նախկին վարչապետը:
Բենեթի խոսքով՝ Պուտինի հետ հանդիպումից հետո նա զանգահարել է Զելենսկիին և նրան փոխանցել ՌԴ նախագահի հետ զրույցի բովանդակությունը։ Տեղեկանալով Պուտինի խոստման մասին՝ Զելենսկին վերադարձել է գրասենյակից և այնտեղ տեսահոլովակ նկարահանել։
Ըստ իսրայելցի քաղաքական գործչի, Արևմուտքը որոշել է «ջարդել Պուտինին, այլ ոչ թե բանակցել»։
