Մասնակի մոբիլիզացիայի շրջանակներում զինված ուժեր զորակոչված զինվորականները մարտական կոորդինացիայից հետո կուղարկվեն հատուկ ռազմական գործողության տարածքներ և կօգտագործվեն հատուկ ռազմական գործողությունում արդեն ներգրավված ստորաբաժանումների հետ միասին, ասել է ՌԴ պաշտպանության նախարար Սերգեյ Շոյգուն, գրում է ТАСС-ը։
«Զինվորական անձնակազմը պետք է մարտական շրջաններ ուղարկվի վերապատրաստումից և մարտական գործողությունների համակարգումից հետո», – երեքշաբթի օրը կայացած կոնֆերանսի ժամանակ ասել է Շոյգուն:
Նա ռազմական շրջանների և Հյուսիսային նավատորմի հրամանատարներից պահանջել է «նորակոչիկներին մարտական իրավիճակին արագ հարմարեցնելու համար նրանց հետ լրացուցիչ պարապմունքներ անցկացնել մարտական փորձ ունեցող սպաների ղեկավարությամբ»։
«Այդ ստորաբաժանումների օգտագործումը պետք է պլանավորել միայն այն ստորաբաժանումների հետ համատեղ, որոնք արդեն մասնակցում են հատուկ ռազմական գործողության»,- կարգադրել է պաշտպանության նախարարը։
