Սրտի խոր ցավով ենք հետևում «Սուրմալու» առևտրի կենտրոնում տեղի ունեցած պայթյունի ողբերգական հետևանքներին: Այս մասին հայտարարությամբ է հանդես եկել Ամենայն Հայոց Կաթողիկոս Գարեգին 2-րդը։
«Ի խորոց սրտի աղոթում ենք զոհերի հոգիների խաղաղության ու հանգստության համար, Սուրբ Հոգու սփոփանքն ու մխիթարությունը հայցում նրանց ընտանիքներին և հարազատներին:
Այլև աղոթում ենք բոլոր վիրավորների արագ ապաքինման համար՝ մաղթելով Տիրոջ խնամքն ու զորակցությունը:
Թող Բարձրյալն Աստված օգնական և պահապան լինի մեր Երկրին և ժողովրդին»։
Ավելի վաղ Արտակարգ իրավիճակների նախարարությունից հայտնեցին, որ օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առևտրի կենտրոնում տեղի է ունեցել պայթյուն։
Ըստ Առողջապահության նախարարության հայտնած տվյալներով կա 3 զոհ, իսկ 61 քաղաքացի տեղափոխվել են տարբեր բժշկական հաստատություններ։
Նշենք, որ փլատակներից դուրս էին բերվել նաև 5-ամյա աղջիկ և հղի կին։ Երեխան դուրս է գրվել հիվանդանոցից, իսկ կնոջը և պտղին վտանգ չի սպառնում։
Արտակարգ իրավիճակների նախարարությունից հայտնում են, որ անհետ կորած է համարվում 19 քաղաքացի։
Արտակար իրավիճակների նախարար Արմեն Փամբուխչյանը լրագրողների հետ ճեպազրույցում հայտնեց, որ աշխատանքները կշարունակվեն ողջ գիշեր։ Համապատասխան սարքավորումները բերվել են դեպքի վայր։ Տեղում աշխատում են նաև կամավորների։
