Ռուսաստանի Դաշնության և Ուկրաինայի նախագահներ Վլադիմիր Պուտինի և Վլադիմիր Զելենսկու հանդիպման կազմակերպումը պահանջում է համաձայնություն բանակցությունների հնարավոր արդյունքների շուրջ, մինչդեռ կողմերն այս հարցում քննարկելու ոչինչ չունեն։ Այս մասին երկուշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Երկու նախագահների հանդիպման մասին խոսելու համար նախ պետք է կատարել տնային առաջադրանքը, այսինքն՝ պետք է վարել և համաձայնեցնել բանակցությունների արդյունքները: Մինչ այժմ որևէ էական առաջընթաց չկա»,- ասել է Կրեմլի խոսնակը։
«Նրանք ոչինչ չեն ունենա արձանագրելու, չկան պայմանավորվածություններ, որ կարողանան շտկել»,-նշել է նա։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
