Թալիբները կոչ են արել Ռուսաստանին և Ուկրաինային Դոնբասում հակամարտությունը լուծել խաղաղ ճանապարհով։ Ռուսաստանում ահաբեկչական ճանաչված և արգելված կազմակերպությունը Աֆղանստանի ԱԳՆ-ի միջոցով անհանգստություն է հայտնել խաղաղ բնակչության հնարավոր մահվան կապակցությամբ և կոչ արել քայլեր ձեռնարկել «երկխոսության և խաղաղ միջոցների միջոցով»:

Նշվում է, որ թալիբները ուշադիր հետեւում են Դոնբասում տիրող իրավիճակին, որտեղ ընթանում է Ռուսաստանի հատուկ գործողությունը։ Նրանք վախենում են քաղաքացիական զոհերից և կողմերին կոչ են անում զերծ մնալ ինտենսիվ մարտերից։

Բացի այդ, թալիբները կոչ են արել հոգ տանել Ուկրաինայում աֆղան ուսանողների և միգրանտների փրկության մասին։

Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հանդես է եկել ուղերձով՝ հայտնելով Դոնբասում հատուկ ռազմական օպերացիա սկսելու որոշման մասին․ «Հանգամանքները մեզնից պահանջում են վճռական ու անհապաղ գործողություններ»։

Ուկրաինայի զինված ուժերի գլխավոր շտաբը հայտնել է, որ հինգշաբթի ժամը 05:00-ից (Երևանի ժամանակով 07:00-ից) ՌԴ ԶՈւ-ն ինտենսիվ հարձակումներ է իրականացնում ուկրաինական ռազմական օբյեկտների և օդանավակայանների վրա։

Ամեն ինչ սկսվում է ուկրաինական Մարիուպոլ քաղաքը հրթիռակոծությունից։ Խարկովում «Սմերչ» համազարկային կրակի ռեակտիվ համակարգն է գործի դրվում։ Հրթիռակոծվում են օդանավակայանները։ Հրթիռներով հարվածում են Կիևի շրջանին։ Ռուսական զորքերը անցնում են Ուկրաինայի ցամաքային սահմանը։ Տանկերը մտնում են Խարկով։ Կիևի քաղաքապետ Վիտալի Կլիչկոն դիմում է քաղաքացիներին, իսկ ռուսներին դիմում են զինվորականները։ Գերագույն Ռադան Ուկրաինայում ռազմական դրություն է մտցնում։ Ռուսաստանը դադարեցնում է 14 օդանավակայանների աշխատանքը։ Զելենսկին խնդրում է բոլորին հանգստություն պահպանել։ Կիևում միանում է օդային տագնապի ազդանշանը։ CNN-ը ցուցադրում է ռուսական տանկերը, որոնք հատում են Ուկրաինայի սահմանը՝ Բելառուսի կողմից։ Բելառուսի նախագահ Ալեքսանդր Լուկաշենկոն հերքում է լուրը։