Այցելել եմ Ստեփանակերտի զինվորական հոսպիտալում գտնվող վիրավոր զինծառայողներին, հայտնում է Արցախի ՄԻՊ Գեղամ Ստեփանյանը։
«Արցախի Պաշտպանության բանակը զոհեր չունի։
Ներկա պահին մարտական գործողություններ չեն ընթանում»,-թվիթերյան իր միկրոբլոգում գրել է Ստեփանյանը:
I visited wounded servicemen at Stepanakert military hospital.
Artsakh Defense Army has no killed soldier.
There are no hostilities going on now in Artsakh.
— Gegham Stepanyan (@Gegham_Artsakh) October 14, 2021
Հիշեցնենք, որ հոկտեմբերի 14-ի երեկոյան, ադրբեջանական զինված ուժերը կրակ են բացել Արցախի Հանրապետության արևելյան սահմանագոտում տեղակայված ՊԲ մարտական հենակետի ուղղությամբ, ինչի արդյունքում հրազենային վիրավորում է ստացել վեց զինծառայող: Միջադեպի մասին անհապաղ տեղեկացվել է Արցախում ՌԴ խաղաղապահ զորակազմի հրամանատարությունը, հայտնում է Պաշտպանության բանակը։
Արցախի Հանրապետության պաշտպանության նախարարությունը հայտարարում է, որ շարունակում է հավատարիմ մնալ հրադադարի ռեժիմի պահպանմանը և կոչ է անում ադրբեջանական կողմին նույնպես ձեռնպահ մնալ իրադրությունն ապակայունացնող գործողություններից:
