Գործարար Խաչատուր Սուքիասյանը դատական հայց է ներկայացրել ՀՀ Ազգային ժողովի նախկին պատգամավոր, ՀՅԴ բյուրոյի անդամ Սպարտակ Սեյրանյանի և 6 լրատվամիջոցների դեմ, որոնք են՝ «Փաստինֆո», «168 ժամ», «Արմդեյ էյեմ», «Նյուզ Էյեմ», «Ասեկոսե» և «Մեդիա պլյուս» լրատվականները:
Այս մասին տեղեկանում ենք դատական տեղեկատվական համակարգից:
Բոլոր հայցադիմումներում Խաչատուր Սուքիասյանը պահանջում է, որ Սպարտակ Սեյրանյան և 6 լրատվամիջոցները հրապարակայնորեն ներողություն խնդրեն, դատարանի վճիռը հրապարակեն, զրպարտություն համարվող փաստացի տվյալները հրապարակայնորեն հերքեն, ինչպես նաև փոխհատուցում վճարեն:
