Եվրոպայում անվտանգության և համագործակցության կազմակերպության Մինսկի խմբի համանախագահները ողջունում են Ղարաբաղում հումանիտար զինադադարի մասին հայտարարությունը և կողմերին կոչ անում ամբողջությամբ կատարել իրենց ստանձնած պարտավորությունները: Այս մասին ասվում է համանախագահների կողմից ԵԱՀԿ մամուլի ծառայության տարածած հայտարարության մեջ:
Նշվում է, որ համանախագահները ՝ Ռուսաստանը, Ֆրանսիան և Միացյալ Նահանգները, ողջունում են Ադրբեջանի, Հայաստանի և Ռուսաստանի Դաշնության արտաքին գործերի նախարարների համատեղ հայտարարությունը հումանիտար զինադադարի մասին:
«Համանախագահները շարունակում են ակտիվ շփման մեջ մնալ կողմերի հետ` աջակցելու հրադադարի ռեժիմի հատուկ պարամետրերի շուրջ համաձայնության գալու նրանց ջանքերին և ավարտել ինտենսիվ բովանդակային բանակցությունները` համաձայնեցված սկզբունքների և ձևաչափի համաձայնության հասնելու համար», – ասված է հայտարարության մեջ:
