Սոցիալական ապահովության ծառայությունից տեղեկացնում են․
«Սոցիալական ապահովության տարածքային բաժիններում դեռևս առկա են մինչև 2019 թվականի դեկտեմբերի 31-ը հավաքագրված աշխատանքային գրքույկներ, որոնց թվայնացման գործընթացն ավարտված է, սակայն առ այսօր իրավաբանական անձանց ներկայացուցիչները և(կամ) ֆիզիկական անձինք չեն ներկայացել տարածքային բաժիններ՝ թվայնացված աշխատանքային գրքույկները ստանալու համար:
Սոցիալական ապահովության ծառայությունը հորդորում է մինչև 2020 թվականի սեպտեմբերի 18-ը ներկայանալ տարածքային բաժիններ՝ վերոնշյալ գրքույկները տարածքային բաժիններից ստանալու համար:
Ծառայությունը հայտնում է նաև, որ առաջիկայում կվերսկսվի աշխատանքային գրքույկների թվայնացման գործընթացը»:
