Կառավարությունն այսօր՝ օգոստոսի 12-ին արտահերթ նիստ է գումարել։ Քննարկվում է երկրում արտակարգ դրությունը երկարաձգելու հարցը։
Վարչապետ Նիկոլ Փաշինյանն առողջապահության նախարար Արսեն Թորոսյանից հետաքրքրվեց կորոնավիրուսի հետ կապված վերջին տվյալների մասին։
Նախարարի խոսքով, այժմ բավական թեթև վիճակ է հիվանդանոցներում, իջել են նաև ծանր և ծայրահեղ ծանր վիճակում գտնվող պացիենտների թիվը, որն այժմ տատանվում է 300-ի շրջանակներում։
«Հաղթահարման փուլը շարունակվում է։ Ես չեմ կարծում, որ 0 թվին մոտենալու նպատակ պետք է դնենք մեր առաջ։ Հավանաբար, ինչ-որ թվի՝ 50-100-ի շրջանակներում պահելը մեզ համար նույնպես պետք է ընդունելի լինի, այն իմաստով, որ շատ դժվար է լինելու հասնել այդ 0-ին՝ կանոնները միայն պահելով, այսինքն՝ սովորելով ապրել կորոնավիրուսի հետ»,-ասաց նախարարը։
Մանրամասները՝ տեսանյութում
