Ռուսաստանը հուլիսի 15-ից սկսած՝ կսկսի աստիճանաբար վերացնել դեպի արտերկիր չվերթների սահմանափակումները:
Այս մասին ասել է փոխվարչապետ Տատյանա Գոլիկովան, հայտնում է «ՌԻԱ Նովոստին»:
«Դա հնարավոր է, քանի որ տևական ժամանակ Ռուսաստանում նկատվում է նոր կորոնավիրուսային վարակի դեպքերի նվազում», – ասել է նա։
Փոխվարչապետի խոսքով՝ օդային երթևեկությունը կվերսկսվի այն երկրների հետ, որտեղ COVID-19-ի դեպքերը հարյուր հազար մարդու հաշվով չեն գերազանցում 40-ը, այսինքն՝ 1 տոկոսը:
Փոխվարչապետը հայտնել է նաև, որ անբարենպաստ համաճարակաբանական վիճակում գտնվող երկրներից ժամանողները, ամենայն հավանականությամբ, կինքնամեկուսացվեն:
Հիշեցնենք, որ համաճարակաբանական իրավիճակով պայմանավորված՝ Ռուսաստանը մարտի 27-ից դադարեցրել էր կանոնավոր և անկանոն ուղևորափոխադրումները։
