Ազգային ժողովում այսօր՝ հունիսի 17-ին, շարունակվում է Հեռուստատեսության և ռադիոյի հանձնաժողովի 2019 թվականի գործունեության մասին տարեկան հաղորդումը։
ԱԺ պատգամավորները Հեռուստատեսության և ռադիոյի հանձնաժողովի նախագահ Տիգրան Հակոբյանին հարցեր են ուղղում։
«Իմ քայլը» խմբակցության պատգամավոր Տաթևիկ Հայրապետյանը հարց ուղղեց՝ նշելով, թե ինչ խոչընդոտներ կան և առկա խնդիրների համար ինչ լուծումներ են տեսնում։
«Ամենամեծ խոչընդոտն այսօր անկատար օրենսդրությունն է։ Սակայն հույս դնել, որ նոր օրենքը կմաքրի եթերը այն պայմանական աղբից, որի մասին շատ է խոսվում, դա մի քիչ ուռճացված պատկերացումներ են։ Տեխնիկական միջոցների այս պայթյունային զարգացումը տեսալսողական հարթակ է դարձրել այդպիսի միլիոնավոր հարթակներ»,-նշեց նա։
Տիգրան Հակոբյանի խոսքով դժվար է մի կառույցի կողմից այդ ամբողջն ուսումնասիրելը, մշտաիդտարկելը և այլն։ Նա նաև խոսեց մեդիագրագիտության, կրթության և մեդիամանիպուլյացիաների մասին․ «Մեդիագրագիտությունը քիչ է, քանի որ մեդիամանիպուլյացիաներով զբաղվում են մարդիկ, որոնք ֆանտաստիկ բարձր մեդիագրագիտության մակարդակ ունեն»։
