Կառավարության վերջին որոշումներից մեկով փոփոխություններ են կատարվել ոստիկանության ծառայողի ցանկությամբ տվյալ տարվա չօգտագործված արձակուրդի օրերը հաջորդ տարվա ամենամյա արձակուրդին գումարելու կարգում։

Եթե նախկինում ոստիկանության պետի տեղակալը արձակուրդից պետք է  վերադառնար վարչապետի որոշմամբ, ապա այժմ վերջինս ամենամյա արձակուրդից հետ է կանչվում միայն բացառիկ դեպքերում։

Օրինակ՝ ծառայողական անհրաժեշտությունից ելնելով, ոստիկանության պետի համաձայնությամբ, արձակուրդի թույլտվություն տված պաշտոնատար անձի հրամանով, որում նշվում են հետկանչի օրը, ամիսը և չօգտագործված արձակուրդի օրերի թիվը:

Իսկ ոստիկանության պետը ամենամյա արձակուրդից հետ է կանչվում Հայաստանի Հանրապետության վարչապետի որոշմամբ:

Որոշումը մայիսի 28-ին ուժի մեջ է մտել։