Վեչաքննիչ քաղաքացիական դատարանը հայտարարություն է տարածել տեղեկացնելով, որ դատական նիստերը կիրականացնի գրավոր ընթացակարգով։
«Հետևելով կորոնավիրուսի մասին պաշտոնական հաղորդումներին և կարևորելով հանրային առողջությունը՝ ՀՀ վերաքննիչ քաղաքացիական դատարանը հայտնում է․
1․ Առաջնորդվելով անձանց արդար դատաքննության իրավունքի և բնակչության առողջության պահպանման իրավունքի հավասարակշռման անհրաժեշտությամբ՝ Վերաքննիչ դատարանի որոշումների համաձայն՝ այն դատական գործերի քննությունը, որոնցով սույն թվականի մարտի 16-ից 23-ը ընկած ժամանակահատվածում նշանակվել են դատական նիստեր, կիրականացվի գրավոր ընթացակարգով։ Այն դատական գործերով նշանակված դատական նիստերը, որոնցով պետք է ապահովել բանավոր կարգով քննություն, Վերաքննիչ դատարանի որոշումներով կհետաձգվեն, որի մասին գործին մասնակցող անձինք պատշաճ կծանուցվեն։
Խնդրում ենք դատական գործերի ընթացքին հետևել առցանց՝ datalex.am դատական տեղեկատվական համակարգի և ՀՀ վերաքննիչ քաղաքացիական դատարանի ֆեյսբուքյան էջի միջոցով։
2․ Անձնային շփումները հնարավորինս բացառելու համար գործին մասնակցող անձանց հորդորում ենք խուսափել փաստաթղթերը առձեռն դատարանի գրասենյակ հանձնելուց և դրանք ուղարկել փոստով։ Հրատապ և հույժ անհրաժեշտ դեպքերում փաստաթղթերը կարող եք ուղարկել միաժամանակ փոստով և դատարանի էլեկտրոնային փոստի հասցեին՝ [email protected]:
3․ Գործին մասնակցող անձանց խնդրում ենք գործի նյութերին ծանոթանալու, դրանց պատճենները ստանալու, գործի նյութերից քաղվածքներ, լուսանկարներ, լուսապատճեններ և պատճեններ անելու համար դատարանի գրասենյակ ներկայանալ միայն խիստ անհրաժեշտության դեպքում։
Սույն թվականի մարտի 16-ից 23-ը ընկած ժամանակահատվածում նշանակված դատական նիստերի մասին տեղեկությունները՝ ստորև։
Մաղթում ենք առողջություն»։
![Нет описания фото.](https://scontent.fevn6-1.fna.fbcdn.net/v/t1.0-9/89830175_1060235817691825_1319818891437801472_n.jpg?_nc_cat=105&_nc_sid=110474&_nc_ohc=JzAH-06nShQAX924RKz&_nc_ht=scontent.fevn6-1.fna&oh=fe4fa1e5df0a7b9b4614782325059684&oe=5E943EC3)
![Нет описания фото.](https://scontent.fevn6-1.fna.fbcdn.net/v/t1.0-9/89863515_1060235857691821_435213292416270336_n.jpg?_nc_cat=105&_nc_sid=110474&_nc_ohc=M1zxfu-sZQ0AX-93Teh&_nc_ht=scontent.fevn6-1.fna&oh=998b4d8906da7dbdd403fc3d8fc21ba2&oe=5E94F3D1)
![На изображении может находиться: текст](https://scontent.fevn6-1.fna.fbcdn.net/v/t1.0-9/89781156_1060235891025151_1596565087680724992_n.jpg?_nc_cat=104&_nc_sid=110474&_nc_ohc=q3_XJ6Y1FEQAX8ee9wQ&_nc_ht=scontent.fevn6-1.fna&oh=90f0335a5791b97bbb6003de17532cd7&oe=5E95B281)
![Нет описания фото.](https://scontent.fevn6-2.fna.fbcdn.net/v/t1.0-9/89698622_1060235924358481_2439124494472708096_n.jpg?_nc_cat=101&_nc_sid=110474&_nc_ohc=MyoJGYfN-FQAX-QyRRm&_nc_ht=scontent.fevn6-2.fna&oh=916b4c5ec1a51d945a6d5fed686adf10&oe=5E961903)
![Нет описания фото.](https://scontent.fevn6-2.fna.fbcdn.net/v/t1.0-9/89785676_1060235954358478_6625847022496776192_n.jpg?_nc_cat=111&_nc_sid=110474&_nc_ohc=OlXYjoUlNiIAX_aTzo2&_nc_ht=scontent.fevn6-2.fna&oh=87b61e8286b57761366d048a887b2de2&oe=5E93EE29)