Նոր տիպի կորոնավիրուսի (COVID-19) տարածումը կանխարգելելու նպատակով պայմանավորված` խստիվ հորդորում ենք ՀՀ ԱՆ իրավաբանական անձանց պետական ռեգիստրի գործակալության ծառայություններից հնարավորության դեպքում օգտվել առցանց եղանակով: Այս մասին հայտնում են արդարադատության նախարարությունից։

«ՀՀ ԱՆ իրավաբանական անձանց պետական ռեգիստրի գործակալության էլեկտրոնային համակարգում էլ-ստորագրության առկայության դեպքում առցանց հասանելի են հետեւյալ ծառայությունները՝

• անհատ ձեռնարկատիրոջ սկզբնական պետական հաշվառում,
• անհատ ձեռնարկատիրոջ անձնագրային տվյալների փոփոխություն
• նմուշային ձևի փաստաթղթերով սահմանափակ պատասխանատվությամբ ընկերության սկզբնական գրանցում և ընկերության գործադիր մարմնի ղեկավարի անձնագրային տվյալների փոփոխություն:

Իրավաբանական անձանց պետական միասնական գրանցամատյանից տեղեկատվության ստացումը նույնպես կարող եք իրականացնել առցանց տարբերակով:

Գործակալությանն ուղղված այլ տեսակի դիմումները կարող եք ուղարկել [email protected] էլ. փոստի հասցեով:

Հրատապ հարցերի և համակարգից օգտվելիս խնդիրների լուծման նպատակով կարող եք զանգահարել +374 (10) 201445 հեռախոսահամարով»-այս մասին հայտնում է ՀՀ արդարադատության նախարարության իրավաբանական անձանց պետական ռեգիստրի գործակալությունը։