Այսօր՝ մայիսի 15-ին, Երևանի ընդհանուր իրավասության դատարանի Ավանի նստավայրում շարունակվում է 2008-ի «Մարտի 1»-ի գործից առանձնացված մասի քննությունը՝ Հայաստանի Հանրապետության պաշտոնաթող նախագահ Ռոբերտ Քոչարյանի, ՀՀ զինված ուժերի գլխավոր շտաբի պետի պաշտոնը զբաղեցրած Սեյրան Օհանյանի, ՀՀ պաշտպանության նախարարի տեղակալի պաշտոնը զբաղեցած Յուրի Խաչատուրովի և ՀՀ նախագահի աշխատակազմի ղեկավարի պաշտոնը զբաղեցրած Արմեն Գևորգյանի վերաբերյալ:
Այս փուլում քննվում է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոցի վերաբերյալ հարցը:
Հավելենք, որ պաշտոնաթող նախագահը մասնակցում է դռնբաց նիստերին:
Ինչպես նախորդ երկու օրերին, այսօր էլ՝ դատարանի բակում հավաքված են Ռոբերտ Քոչարյանի համակիր ու դեմ քաղաքացիները:
Հիշեցնենք, որ պաշտպանական կողմը միջնորդություն է ներկայացրել դատարանին՝ հարցաքննության կանչել, մինչ այժմ չհարցաքննված, 2008 թ-ին Սահմանադրական դատարանի նախագահ Գագիկ Հարությունյանին և ՍԴ անդամներ Հրանտ Նազարյանին, Վլադիմիր Հովհաննիսյանին, Ֆելիքս Թոխյանին և Կիմ Բալայանին: Դատավորը միջնորդությունը մերժեց: Մերժվել է նաև դատավորի ինքնաբացարկի միջնորդությունը:
