Գործատուն իրավունք ունի աշխատողի հետ լուծելու անորոշ ժամկետով կնքված աշխատանքային պայմանագիրը, ինչպես նաև որոշակի ժամկետով կնքված աշխատանքային պայմանագիրը նախքան դրա գործողության ժամկետի լրանալը աշխատողի երկարատև անաշխատունակության հետևանքով:
Աշխատողը համարվում է երկարատև անաշխատունակ, եթե նա ժամանակավոր անաշխատունակության պատճառով աշխատանքի չի ներկայացել ավելի քան 120 oր անընդմեջ կամ վերջին տասներկու ամսվա ընթացքում` ավելի քան 140 oր, եթե oրենքով և այլ նորմատիվ իրավական ակտերով սահմանված չէ, որ որոշակի հիվանդությունների դեպքում աշխատատեղը և պաշտոնը պահպանվում են ավելի երկար ժամանակով: Օրինակ, եթե 2012թ. դեկտեմբերի 21–ի դրությամբ աշխատողը ունի ժամանակավոր անաշխատունակության պատճառով բացակայություն 140 օր, ապա գործատուն կարող է նրան աշխատանքից ազատել, եթե այդ 140 օրերը 2011թ. դեկտեմբերի 21-ից 2012թ. դեկտեմբերի 21-ն ընկած ժամանակահատվածում են:
Աղբյուրը` Իրավաբան.net
