2017թ-ի առաջին 10-ն ամիսների ընթացքում ԱՄՆ-ի և Հայաստանի միջև ապրանքաշրջանառությունն ավելացել է 35%-ով: Այս մասին տեղեկանում ենք ՀՀ-ում ԱՄՆ դեսպանատնից:
«Տոներին ընդառաջ մի քանի լավ նորություններ մեր երկկողմ առևտրային հարաբերությունների մասին: Հունվար-հոկտեմբեր ամիսներին մեր երկու երկրների միջև ընդհանուր առևտրաշրջանառությունը կազմել է 99.5 մլն դոլար: «Արտոնությունների ընդհանրացված համակարգ» (GSP) ծրագրի կիրառման շնորհիվ հայկական շատ ապրանքատեսակներ մեծ հաջողությամբ առանց մաքսատուրքի արտահանվում են ԱՄՆ»,-նշվում է հայտարարության մեջ:
