Ուժի մեջ է մտել քաղաքացի-պարտապանի միակ բնակարանի իրացման համար նվազագույն գումարը սահմանող որոշումը։ Այս իրավական ակտը վարչապետը ստորագրել է հուլիսի 14-ին, նախագծի մեջ ասվում է․
«Հիմք ընդունելով «Դատական ակտերի հարկադիր կատարման մասին» Հայաստանի Հանրապետության 1998 թվականի մայիսի 5-ի ՀՕ-221 օրենքի 51-րդ հոդվածի 6-րդ և 7-րդ կետերը` Հայաստանի Հանրապետության կառավարությունը որոշում է.
1. Սահմանել, որ քաղաքացի-պարտապանի միակ բնակարանի իրացման համար նվազագույն գումարը կազմում է 4 900 000 դրամ:
2. Քաղաքացի-պարտապանի` բռնագանձման ոչ ենթակա միակ բնակարանի բաժնեմասի նվազագույն գումարը որոշվում է սույն որոշման 1-ին կետով նախատեսված գումարի և քաղաքացի-պարտապանի միակ բնակարանի բաժնեմասի արտադրյալով»։
