Հունիսի 23-ին գրել էինք, որ «Պորշ Կայեն» մակնիշի ավտոմեքենան վրաերթի է ենթարկել հեծանվորդի՝ Լիդիա Խ.-ին: Դեպքը տեղ էր ունեցել Նալբանդյան փողոցում, հեծանվորդը՝ երիտասարդ աղջիկ, ծանր վնասվածքներ էր ստացել, նրա դեմքն ամբողջությամբ արյունոտված էր:
Շտապօգնության մեքենան Լիդիային տեղափոխել էր «Հերացի» №1 հիվանդանոցային համալիր, մի քանի օր աղջիկը եղել է վերակենդանացման բաժանմունքում, այնուհետև նա տեղափոխվել է դիմածնոտային վիրաբուժության և քիթ-կոկորդ-ականջի հիվանդությունների կլինիկա, բժիշկները վիրահատել են նրա այտոսկրը:
Կլինիկայից մեզ փոխանցեցին, որ աղջիկն արդեն առողջացել է ու դուրս է գրվել հիվանդանոցից:
