Հունիսի 4-ին, ժամը 22.30-ին, Վրաստանի սահման-Ալավերդի ճանապարհի 36-րդ կմ-ին «ՎԱԶ-21213» մակնիշի ավտոմեքենան կորցնելով կառավարումը՝ դուրս է եկել երթևեկելի գոտուց, բախվել բետոնե էլեկտրասյանը, շրջվել և ընկել Դեբեդ գետը: Այս մասին հաղորդում է ՀՀ ոստիկանությունը:
Պատահարի հետևանքով 1975 թ. ծնված Արմեն Սիմոնյանը տեղում մահացել է, իսկ 1994 թ. ծնված Վահան Սիմոնյանին տեղում ցույց է տրվել բուժօգնություն:
Ձեռնարկվում են որոնողական աշխատանքներ վարորդին` 1950 թ. ծնված Վասիլ Սիմոնյանին, հայտնաբերելու ուղղությամբ:
Ավտոմեքենան ընկել է Դեբեդ գետը. վարորդին որոնում են
