ԱԺ նիստում Կառավարության հետ հարցուպատասխանի ժամանակ ՕԵԿ խմբակացության անդամ Իշխան Խարաչատրյանը առողջապահության նախարար Արմեն Մուրադյանին այլուրի հարստացման մասին հերթական հարցը տվեց։
Նա նշեց, որ Կառավարությունն առաջարկում է շուկայում արտադրված ցորենի ալյուրի 80-85%-ը հարստացնել միկրոտարրերով և վիտամիններով, որը միտված է ՀՀ բնակիչների՝ միկրոտարրերի անբավարարության պատճառով առաջացած առողջական խնդրի վերացմանը, հիվանդությունների նվազեցմանն ու առողջապահության լավացմանը։
«Համաձայն 2005 թ-ի ՀՀ ժողովրդագրության և առողջապահության հարցերի տվյալների՝ նախադպրոցական տարիքի երեխաների և վերարտադրողական տարիքի կանաց շրջանում առկա է սակավարյունության բարձր տարածվածություն՝ համապատասխանաբար 30-25%-ով։
Առողջապահության միջազգային կազմակերպությունը գտնում է, որ նման մեթոդ կիրառելիս պետք է անել լայնածավալ ուսումնասիրությունների դեպքում։ Արդյո՞ք համապատասխան ուսումնասիրություններ արել եք կամ քննարկել եք այլընտրանքային մեթոդներ»,- հարցրեց ՕԵԿ պատգամավորը։
Առողջապահության նախարարը պատասխանեց, որ սննդի հարստացման խնդիրն առկա է ամբողջ աշխարհում, և մի շարք պետություններ օգտվել են այս մեթոդից։ «Մենք ուսումնասիրություն ենք իրականացրել 2000, 2005, 2010 թթ-ին։ Եվ՛ ժողովրդագրական, և՛ առողջապահական վիճակագրական տվյալների համաձայն՝ վերարտադրողական շրջանում գտնվող կանանց 12%-ի մոտ առկա է եղել սակավարյունություն, նաև՝ երեխաների 24%-ի մոտ: Սակայն արդեն 2005 թ-ին այս թվերը կրկնապատկվել են՝ վերարտադրողական տարիքի կանանց մոտ կար 25%, իսկ երեխաների մոտ՝ մինչև 37% սակավարյունություն»,-պատասխանեց նախարարը։
Արմեն Մուրադյանը նաև հիշեցրեց, որ հանրապետությունում տարեկան 700 երեխա է ծնվում տարբեր տեսակի արատներով, որից 80 երեխան ծնվում են նյարդային խողովակի լուրջ արատով, ինչն էլ հանգեցում է հաշմանդամության, իսկ պատճառը ֆոլաթթվի պակասն է։ Առողջապահության նախարարը նշեց, որ աշխարհում հարստացվում է ո´չ միայն այլուրը այլև՝ մի շարք այլ սննդամթերքներ։ Մասնավորապես՝ հարստացման եղանակն ընտրել է 82 երկիր։
Ի դեպ, նախարարը նկատեց, որ ալյուրի հարստացման դեպքում հացի կամ այլուրով այլ մթերքների գինը չի բարձրանա:
