Այսօր՝ հունվարի 5-ի առավոտյան, ժամը 09.00-ի սահմաններում, Երևան-Մեղրի ճանապարհի 92-րդ կմ-ին իրար են բախվել «Օպել Աստրա» և «ՎԱԶ-2106» մակնիշի ավտոմեքենաներ: Այս մասին փոխանցում են ՀՀ ոստիկանությունից: Աղբյուրը հաղորդում է, որ բախման հետևանքով «ՎԱԶ-2106»-ի ուղևորուհի, 1968 թ. ծնված Հասմիկ Մարգարյանը տեղում մահացել է, իսկ վարորդը և 2 ուղևորները մարմնական վնասվածքներով տեղափոխվել են Եղեգնաձորի բժշկական կենտրոն: Կատարվում է քննություն:
