ՀՀ աշխատանքի և սոցիալական հարցերի նախարարությունը «Ժամանակավոր անաշխատունակության նպաստների մասին» ՀՀ օրենքում լրացումներ և փոփոխություններ կատարելու նախագծի շուրջ իրականացրել է հանրային լայն քննարկումներ լրագրողների, գործատուների, հասարակական սեկտորի և տեղական ինքնակառավարման մարմինների ներկայացուցիչների հետ:
Հանրային քննարկումների արդյունքում արձանագրվել են մի շարք առաջարկություններ, որոնք ներկայումս մշակվում և ամփոփվում են: Առաջարկությունները կօգտագործվեն օրենքի նախագծի լրամշակման ընթացքում: Այս մասին տեղեկանում ենք ՀՀ աշխատանքի և սոցիալական հարցերի նախարարության պաշտոնական կայքից:
Օրենքի նախագծի լրամշակված տարբերակը ս.թ. նոյեմբերի 4-ին, ՀՀ օրենսդրությամբ սահմանված ընթացակարգով, կներկայացվի Ազգային ժողովի Սոցիալական հարցերի մշտական հանձնաժողովի նիստում:
Լուսանկարը՝ mlsa.am-ի:
