Օգոստոսի 17-ին, ժամը 01։03-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սարդարապատ գյուղում այրվում է մթերային խանութի պահեստ:
Այս մասին հայտնում են փրկարար ծառայությունից։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։
Պարզվել է, որ հրդեհը բռնկվել է գյուղի Աբովյան փողոցում գտնվող հանրախանութի (200 քմ) պահեստային հատվածում (100 քմ):
Հրդեհը մեկուսացվել է ժամը 01:48-ին, մարվել՝ 03:17-ին: Այրվել են պահեստային հատվածը սնունդով և կախովի պլաստմասսե առաստաղը՝ մոտ 40 քմ»,-նշված է հաղորդագրության մեջ։
