Հանրային Հեռուստաընկերության եթերում բանավիճում են Գյումրի համայնքի քաղաքապետի թեկնածուները։ Ռուբեն Մխիթարյանը պարբերաբար ընդհատեց Սարիկ Մինասյանի ելույթը։ Սարիկ Մինասյանն ասաց, որ ինքը լուռ լսել է և հորդորեց, որ իր ելույթն էլ լսեն։

Այնուհետև վեճ սկսվեց Պետրոս Ղազարյանի և  Ռուբեն Մխիթարյանի միջև։ Պետրոս Ղազարյանը Ռուբեն Մխիթարյանին ասաց, որ հարգի կանոնները։

-Մի գոռացեք, պարոն Ղազարյան։

-Նորմալ չեք լսում, դրա համար էլ գոռում եմ։

-Խոսելու եմ այնքան, ինչքան ճիշտ համարեմ։

-Ես Ձեզ վերջին անգամ եմ զգուշացնում։

-Դուք ինձ ոչ մի բան չեք կարող զգուշացնել։

-Ես զգուշացնում եմ վերջին անգամ։

-Դուք ինձ վերջին անգամ ոչ մի բան չեք կարող զգուշացնել։

-Եթե Դուք էլի ընդհատեք բոլորին և անհարգալից լինեք, ես Ձեր ձայնը կկտրեմ պարզապես։

-Դուք չեք կարող իմ ձայնը կտրել։ Էս երկրում չկա այն Հանրային հեռուստաալիքը, որ կարողանա իմ ձայնը կտրել։

-Լսե՞լ եք հարգանքի մասին։

-Չես կարող իմ ձայնը կտրել, Պետրոս։ 

-«Դուք»-ով։ Հարգեք Ձեր ընկերներին։

-Ում պետք է հարգում եմ։