Երևանն ու Բաքուն պայմանավորվել են բոլոր հիմնարար հարցերի շուրջ՝ խաղաղության հիմքերը ստեղծելու համար, «ՏԱՍՍ»-ի փոխանցմամբ՝ «ԲՐԻԿՍ+» գագաթնաժողովի ընթացքում ասել է Նիկոլ Փաշինյանը։
«Հայաստանը առաջարկել է Ադրբեջանին կապեր ապահովել Նախիջևանի հետ սահմանային և մաքսային հսկողության պարզեցված ընթացակարգերի մեխանիզմներով»,-հավելել է ՀՀ վարչապետը։
Նիկոլ Փաշինյանը հայտարարել է նաև, որ Բաքվի հետ խաղաղության պայմանագրի նախագիծը համաձայնեցված է առնվազն 80-90%-ով:
Հիշեցնենք՝ Կազանում ընթանում է «ԲՐԻԿՍ+» գագաթնաժողովը։
