Համացանցում տարածվող նշված փաստաթուղթը կեղծ է: Այս մասին հայտնում են Վաղարշապատի համայնքապետարանի մամուլի ծառայությունից։
«Ցավում ենք, որ Հայաստանի Հանրապետության առջեւ ծառացած այս լարված օրերին ստիպված ենք հանդես գալ ապատեղեկատվության նման դրսեւորմանն ի պատասախան, սակայն, հաշվի առնելով հանրային մեծ արձագանքն ու հարցի հնչեղությունը՝ ստիպված ենք:
Վաղարշապատի համայնքապետարանի պաշտոնական գրությունները չեն կազմվում նման ձեւաթղթով: Արսեն Պետրոսյանը հանդիսանում է համայնքի ղեկավարի առաջին տեղակալը եւ համայնքի ղեկավարի ժամակավոր փոխարինողը: Վերջինիս որոշումները մակագրվում են ոչ որպես համայնքի ղեկավար. Վաղարշապատ համայնքի ղեկավարը Դիանա Գասպարյանն է:
Նշված փաստաթուղթն անստորագիր է, եւ, հետեւապես, չի կարող որեւէ իրավական ուժ ունենալ:
Դեռեւս 08.02.2024 թ. թիվ 132ա որոշմամբ անվավեր է ճանաչվել 06.02.2024թ. «Իրազեկումն ի գիտություն ընդունելու մասին» թիվ 124Ա որոշումը:
Համայնքապետարանի անունից կեղծ փաստաթուղթ տարածելու հիմքով Վաղարշապատի համայնքապետարանը պատրաստվում է դիմել Ոստիկանանություն՝ աղբյուրը պարզելու նպատակով:
Թե ի՞նչ նպատակ է հետապնդում հրապարակել նման ստահոդ փաստաթուղթ, խմորել ներհամայնքային լարվածություն, թե ի՞նչ շահերի է սպասարկում նման վարքագիծը, դժվար է միանշանակ պատասխանել:
Սակայն, ակնկալելով մեր քաղաքացիների ողջախոհությունը՝ եւս մեկ անգամ հարկ ենք համարում վերահաստատել, որ կեղծ տեղեկատվությունը, ապատեղեկատվությունն ու դրանց շահարկումը, ինչ բնույթի էլ լինեն, վտանգ են ներկայացնում ներհամայնքային եւ ներպետական կյանքի համար»:
![Возможно, это изображение текст](https://scontent.fevn4-3.fna.fbcdn.net/v/t39.30808-6/422026524_808012454691406_7740505214182972774_n.jpg?_nc_cat=104&ccb=1-7&_nc_sid=dd5e9f&_nc_ohc=i713zNlt_RkAX_KZMKz&_nc_ht=scontent.fevn4-3.fna&oh=00_AfDhg0apb51ucaY-sdN_zhHMg2OYgjYjx9BpwmEKoqyxSA&oe=65D24054)