.png)
Գործին մասնակցող անձը վերաքննիչ բողոքի պատճենը ստանալուց հետո` երկշաբաթյա ժամկետում, իրավունք ունի պատասխան ուղարկելու վերաքննիչ դատարան և գործին մասնակցող այլ անձանց: Վերաքննիչ բողոքի պատասխանը ներկայացվում է գրավոր:
Ներկայացված պատասխանին կցվում են պատասխանի պատճենները, գործին մասնակցող անձանց ուղարկելու ապացույցները: Վերաքննիչ բողոքի պատասխանը ստորագրում է պատասխանը ներկայացրած անձը կամ նրա ներկայացուցիչը: Ներկայացուցչի ստորագրած պատասխանին կցվում է նրա լիազորությունները հավաստող լիազորագիրը, եթե այն տվյալ գործով նախկինում չի ներկայացվել:
