Բաքուն հայտարարում է, թե իբր «Ֆրանսիան դուրս է մնում Հայաստանի և Ադրբեջանի միջև հարաբերությունների կարգավորման գործընթացից»։
Նման հայտարարությամբ է հանդես եկել Ադրբեջանի նախագահի հատուկ հանձնարարությունների գծով ներկայացուցիչ, դեսպան Էլչին Ամիրբեկովը։
Նրա խոսքերն իր հոդվածում մեջբերել է ֆրանսիական L’Opinion հրատարակությունը։
Մեկնաբանելով Բաքվում Ֆրանսիայի քաղաքացի Մարտին Ռայանի ձերբակալությունը՝ Էլչին Ամիրբեկովը քննադատել է Ֆրանսիային հայամետ դիրքորոշման համար։
«Ֆրանսիան այժմ հեռացված է Հայաստանի և Ադրբեջանի միջև իր միջնորդի դերից և նույնիսկ վնասում է ԵՄ-ի դերն այս հարցում»,-ասել է նա։
