Ապրիլի 14-ին, ժամը 19:29-ին Արմավիրի մարզային ճգնաժամային կառավարման կենտրոն ահազանգ է ստացվել, որ Քարակերտ գյուղում փլուզվել է անասնագոմերից մեկի տանիքը, ներսում կան խոշոր եղջերավոր անասուններ․ անհրաժեշտ է փրկարարների օգնությունը:
Այս մասին հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ փլուզվել է Քարակերտ գյուղի Բարեկամության փողոցի թիվ 7 հասցեի մոտակայքում գտնվող անասնագոմի ներսի պատը (մոտ 20 քմ) և տանիքը՝ մասամբ (մոտ 40 քմ)։
Փրկարարներն անասնագոմից դուրս են բերել կենդանիներին։
