Ոստիկանության Վաղարշապատի բաժնի քրեական հետախույզները օպերատիվ տեղեկություն էին ստացել, որ ապրիլի 1-ին, ժամը 01.00-ին, Արշալույս գյուղի գիշերային ակումբի տարածքում կենցաղային հարցերի շուրջ վիճաբանություն է եղել:
Այս մասին հայտնում են ՆԳՆ ոստիկանությունից։
Ձեռնարկված օպերատիվ-հետախուզական միջոցառումների շնորհիվ պարզվել է, որ գիշերային ակումբում վիճաբանություն է տեղի ունեցել Արմավիր քաղաքի 30-ամյա և Տանձուտ գյուղի 32-ամյա երկու երիտասարդների միջև: Նրանք փոխադարձ հարվածներ են հասցրել իրար, իսկ 30-ամյա երիտասարդը նաև օդաճնշիչ ատրճանակով կրակել է օդ:
Բացատրական աշխատանքի շնորհիվ ապրիլի 2-ին երիտասարդները ներկայացել են Վաղարշապատի բաժին և տվել հաղորդումներ:
Նախաձեռնվել է քրեական վարույթ, որի շրջանակներում քրեական հետախույզների բացատրական աշխատանքի շնորհիվ 30-ամյա արմավիրցին ներկայացել է Վաղարշապատի քննչական բաժին և ներկայացրել օդաճնշիչ ատրճանակը: Կազմված փաստաթղթերն ուղարկվել է Վաղարշապատի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
