Ազգային ժողովում Աշխատանքի և սոցիալական հարցերի մշտական հանձնաժողովի նախաձեռնությամբ խորհրդարանական լսումներ են ընթանում Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին և հարակից օրենքների նախագծերի փաթեթի վերաբերյալ։
Աշխատանքի և սոցիալական հարցերի փոխնախարար Ռուբեն Սարգսյանն անդրադարձավ երեխայի խնամքով զբաղվող աշխատողների իրավունքներին։
«Որոշակի փոփոխություններ կատարել ենք այդ հոդվածներում։ Հիմնական ուղղվածությունն առաջինը տարիքային փոփոխություններն են, ինչպես նաև ճկունություն ենք ապահովել։
Առկա կարգավորմամբ՝ մինչև երեխայի 1,5 տարեկան լրանալը կինն իրավունք ունի իր 30 րոպեանոց ընդմիջումները միավորելու ու տեղափոխելու կամ օրվա սկիզբ, կամ օրվա վերջ, կամ իր հանգստի՝ ընդմիջման հատվածին։ Եթե նախկինում մինչև 1 տարեկան 6 ամսականն էր, նախատեսվում է երեխայի տարիքը տեղափոխել մինչև 2 տարեկան»,-ասաց փոխնախարարը։
