Հայաստանի Հանրապետության քրեական դատավարության օրենսգրքում փոփոխություններ կատարելու օրենսդրական նախաձեռնություն է հեղինակել ՀՀ ԱԺ պատգամավոր Վլադիմիր Վարդանյանը: Առաջարկները քննարկվել են դեկտեմբերի 9-ի ԱԺ արտահերթ նիստում:
Պետական-իրավական հարցերի մշտական հանձնաժողովի նախագահ Վլադիմիր Վարդանյանի խոսքով առաջարկվում է միջդատական վարույթի մասով քրեական էլեկտրոնային ինստիտուտի գործողության մեջ դնելու ժամկետը մեկ տարով հետաձգել: Նախագծով առաջարկվում է հետաձգել նաեւ հակակոռուպցիոն կոմիտեի ձեւավորման փուլում մինչեւ 2024 թ. հունվարի 1-ն առկա եւ քննվող գործերի հակակոռուպցիոն հավելվածում առկա գործերի քննությունը:
Գլխադասային հանձնաժողովի դրական եզրակացությունը ներկայացրել է Արփինե Դավոյանը:
Հարցի վերաբերյալ Կառավարության դրական դիրքորոշումը հայտնել է ՀՀ արդարադատության նախարարի տեղակալ Արփինե Սարգսյանը:
