Վաղը՝ մեր հաղթանակի օրը, Ֆրանսիայի հրապարակում Նիկոլ Փաշինյանը պետք է տեսնի, թե հաղթող ժողովուրդը ոնց է լինում. Գյումրիում ընթացող «Դիմադրություն» շարժման հանրահավաքն ամփոփեց Ազգային ժողովի «Պատիվ ունեմ» խմբակցության պատգամավոր Հայկ Մամիջանյանը:
Վերջինս հավաքվածներին կոչ արեց ժամը 17:00-ին գալ Ֆրանսիայի հրապարակ, որտեղ էլ վաղը՝ մայիսի 9-ին, պետք է մեծ հանրահավաք տեղի ունենա:
Ինչպես ավելի վաղ հայտնել էինք, «Դիմադրություն» շարժման մասնակիցներն այսօր՝ մայիսի 8-ին, ավտոերթով ուղևորվեցին դեպի Գյումրի, սակայն Հոռոմ գյուղի հատվածում գերիների հարազատները փակել էին ճանապարհը և թույլ չէի տալիս ընդդիմությանը մուտք գործել Շիրակի մարզ:
