«Դիմադրություն» շարժման մասնակիցները քայլերթից հետո հավաքվել են Ֆրանսիայի հրապարակում:
Մենք Ազգային ժողովի շենքը գրավելու համար չէինք գնացել: Այս մասին հայտարարեց Ազգային ժողովի փոխնախագահ Իշխան Սաղաթելյանը:
«Այսօր մենք ունեինք նպատակ. իր ճակատին ասել, որ դու լեգիտիմ չես ու մանդատ չունես:
Այս ընթացքում շատ քաղաքացիներ մոտեցան, որոշները գրառումներ են անում, որ կարող էինք շենքը գրավել, բայց չգրավեցինք: Ժողովուրդ այդ շենքում իշխանություն չկա: Իշխանությունը փողոցում է և մեր ձեռքում: ԱԺ-ում Նիկոլ Փաշինյանն ուներ 2000 ոստիկան: Նա կրկին հայի արյուն է ուզում, բայց դա չի լինելու: Մենք Փաշինյանին պետք է հեռացնենք առանց արյուն»,- ասաց նա:
Պատգամավորի խոսքով՝ իրենք 3 օր է ինչ փողոցում են ու երթերին վերջ չկա:
