«Սուրբ Աստվածամայր» բժշկական կենտրոնի մամուլի խոսնակ Գևորգ Դերձյանը հայտնում է, որ 2021 թվականի հունիսի 4-ին ՃՏՊ-ից հետո ծայրահեղ ծանր վիճակով «Սուրբ Աստվածամայր» ԲԿ է տեղափոխվել 8-ամյա աղջնակ՝ գանգուղեղային բաց վնասվածքով, գլխուղեղի ծանր սալջարդով, կոնտուզիոն հեմոռագիկ օջախների առաջացմամբ, աջ քունքոսկրերի բեկորային կոտրվածքներով, թոքերի սալջարդով ու այլ ուղեցող վնասվածքներով:
Գանգուղաղային վնասվածքը բուժվել է վիրահատական եղանակով, երեխան դուրս է գրվել մոտ 40 օր անց` գանգի ընդարձակ դեֆեկտով։
Երեխայի ընհանուր վիճակի բարելավումից հետո, տրավմայից մոտ 8 ամիս անց գանգի դեֆեկտը փակելու նպատակով՝ Հայաստանում առաջին անգամ կիրառվել է չափերի մեծացման հնարավորութուն ունեցող տիտանե կոնստրուկցիա։
Տիտանե կոնստրուկցիան պատրաստված է ինդիվիդուալ` ելնելով նախավիրահատական ԿՏ քննությամբ ստացված դեֆեկտի չափերից, ձևից և գանգի սպասվող կոնտուրներից:
Կոնստրուկցիան բազմակոմպոնենտ է, ունի կենտրոնախույս տեղաշարժի հնարավորություն` ըստ մանկական գանգի հետագա աճի ուղղությունների:
Այսպիսով կոնստրուկցիան ապահովելու է ուղեղանյութի պաշտպանությունն արտաքին վնասվածքներից, վերականգնելու է գանգի նորմալ կոնտուրները և մյուս կողմից չի խոչընդոտելու դեֆեկտի տեղամասում գանգի հետագա աճին:
Տիտանե կոնստրուկցիան պատրաստել է Digital Diagnostic Center-ը: Երեխայի համար այն տրամադրվել է որպես նվիրատվություն։
![Нет описания фото.](https://scontent.fevn1-4.fna.fbcdn.net/v/t39.30808-6/275969482_2848454245455798_1861959725946407355_n.jpg?_nc_cat=102&ccb=1-5&_nc_sid=730e14&_nc_ohc=jsscIAZzChkAX8IvTuc&_nc_ht=scontent.fevn1-4.fna&oh=00_AT94g42QWNG4-ZOUey79I_ta9n__JaBgeFo7sDbUMhERQg&oe=62380977)
![Возможно, это изображение (1 человек)](https://scontent.fevn1-4.fna.fbcdn.net/v/t39.30808-6/274714033_2848482475452975_5458324773092485798_n.jpg?_nc_cat=100&ccb=1-5&_nc_sid=730e14&_nc_ohc=hDYS42pBfSsAX8srquo&tn=xdnme8eLJZJA5DUe&_nc_ht=scontent.fevn1-4.fna&oh=00_AT_bdGHRZsPZvcoaTk1BDJgXaHlSFnN9vzDnVG8NQlIUOQ&oe=6237E334)