Մարտի 1-ին՝ ժամը 13:30-ից 14:00-ն ընկած ժամանակահատվածում, Երևանի Նուբարաշեն վարչական շրջանի թիվ 175 միջնակարգ և Արաբկիր վարչական շրջանի թիվ 63 հիմնական դպրոցներում անցկացվելու է «Ազդարարում, տարահանում, պատսպարում» թեմայով հատուկ տակտիկական ուսումնավարժանք: Գործարկվելու են դպրոցների շչակները:
«Խնդրում ենք չանհանգստանալ»,-փոխանցում են ԱԻՆ-ից:
Նախարարությունից հայտնում են նաև, որ մարտի 1-ին՝ ժամը 15:00-ին Մ. Հերացու անվան պետական բժշկական համալսարանում անցկացվելու է «Քաղաքացիական պաշտպանության միջոցառումների կազմակերպումը և իրականացումը հակառակորդի հարձակման դեպքում» թեմայով ուսումնավարժանք:
