Պ. Ն.-ն իր և Հ.Ա.-ի միջև տեղի ունեցած վիճաբանության ժամանակ, ծեծել է իր որդուն՝ Ա.Ն-ին: Ձեռքերի բռունցքներով և մուտքի դռան մետաղապլաստե ցանցով ընդհանուր 10 անգամ հարվածել է վերջինիս գլխի շրջանին՝ պատճառելով ֆիզիկական ցավ և առողջության թեթև հատկանիշներ չպարունակող ճակատի արյունազեղման ու քերծվածքի ձևով մարմնական վնասվածք։ Այս մասին Իրավաբան.net-ը տեղեկանում է «Դատալեքս» դատական տեղեկատվական համակարգից:
Պ. Ն.-ին մեղադրանք է առաջադրվել Քրեական օրենսգրքի 118-րդ հոդվածով (Ծեծելը կամ այլ բռնի գործողություններ կատարելը պատժվում է տուգանքով՝ նվազագույն աշխատավարձի առավելագույնը հարյուրապատիկի չափով, կամ կալանքով՝ առավելագույնը երկու ամիս ժամկետով:)
Մասիս քաղաքի ընդհանուր իրավասության դատարանի դատավոր Թաթուլ Պողոսյանը գործն ընդունել է վարույթ:
Պ. Ն.-ի նկատմամբ կիրառվել է խափանման միջոց՝ չհեռանալու մասին ստորագրություն:
Առաջիկա նիստը կկայանա դեկտեմբերի 1-ին:
