«Քաղաքացու որոշում» ՍԴԿ նախկին անդամ Գարեգին Միսկարյանը ֆեյսբուքյան իր էջում գրել է.
«Որոշների գնահատականով սա շենք է, որոշների գնահատականով` ավերակ։
Նույնն էլ մեր պետության մասին կարելի է ասել։
Թե ինչպիսի պետություն ունենք մենք այսօր, էական է այնքանով, թե ինչքանով է այն համապատասխանում մեր ուզած, մեր երազած պետությանը։ Կարևոր է որոշել, թե ինչպիսի պետություն ենք ցանկանում ունենալ, ինչ ճանապարհով ենք այն սարքելու, ինչ ռեսուրս ունենք այդ ճանապարհին և ինչպես արդյունավետ օգտագործենք այդ ռեսուրսները մեր երազանքի պետությունը կառուցելու համար։
Նախ ԻՆՔՆՈՐՈՇՎԵԼ է պետք, դրանից հետո մնացածը ձեռքի գործ է, հետևողական աշխատանք»։
