ՀՀ Ազգային ժողովի «Քաղաքացիական պայմանագիր» խմբակցության պատգամավոր Էդուարդ Աղաջանյանը ֆեյսբուքյան իր էջում գրել է․
«Սիրելի՛ հայրենակիցներ,
Օգոստոսի 23-ը խորհրդանշական է Հայաստանի և յուրաքանչյուր քաղաքացու համար.
31 տարի առաջ ՝1990 թվականի այս օրը, Հայկական ԽՍՀ Գերագույն խորհրդի կողմից ընդունվեց Հայաստանի Անկախության հռչակագիրը։
Պատմական այդ փաստաթուղթը, որին տանող երկար ճանապարհը լի էր դժվարություններով և մարտահրավերներով, հիմք դարձավ Հայաստանի անկախ ապագայի համար։
Ուստի, որպես Անկախության ապագայի լիիրավ կրող և կերտող՝ յուրաքանչյուրիս պարտքն է ամենօրյա աշխատանքով կենտրոնացնել ողջ ներուժը՝ մեր հիմնարար սկզբունքներին և համամարդկային արժեքներին հավատարիմ մնալու, անկախ, ինքնիշխան պետականությունը ամրապնդելու, և, վերջապես, տարածաշրջանում և միջազգային հարթակներում անկախ,հզոր և զարգացող Հայաստանը ներկայացնելու ուղղությամբ։
Շնորհավորում եմ բոլորիս»։
