Վարչապետի պաշտոնակատար Նիկոլ Փաշինյանը հուլիսի 30-ին որոշում է ստորագրել, որի համաձայն պետական կառավարման համակարգի և տարածքային կառավարման մարմինների գլխավոր 29 քարտուղար է պարգևատրվել։ Որոշման մեջ ասվում է․

«Ղեկավարվելով «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 22-րդ հոդվածի 5-րդ, 6-րդ և 7-րդ մասերով, հիմք ընդունելով պետական կառավարման համակարգի և տարածքային կառավարման մարմինների գլխավոր քարտուղարների 2021 թվականի առաջին կիսամյակի կատարողականի գնահատման և հաշվետվությունների դրական արդյունքները`

Պետական կառավարման համակարգի և տարածքային կառավարման մարմինների գլխավոր քարտուղարներին պարգևատրել 2021 թվականի առաջին կիսամյակի կատարողականի և հաշվետվությունների արդյունքների հիման վրա` Հայաստանի Հանրապետության կառավարության 2020 թվականի դեկտեմբերի 30-ի N 2215-Ն որոշմամբ հաստատված համապատասխան մարմնի պահպանման ծախսերի «Քաղաքացիական, դատական և պետական այլ ծառայողների պարգևատրում» հոդվածով՝ համաձայն հավելվածի»:

Ցանկը՝ այստեղ։

Ինչպես արդեն հայտնել ենք, Նիկոլ Փաշինյանի մեկ այլ որոշմամբ պարգևատրվել է վարչապետի աշխատակազմի 61 աշխատակից, պարգևատրման գումարի ընդհանուր թիվը կազմել է շուրջ 25 միլիոն դրամ։