Բարձրագույն դատական խորհրդի մամուլի խոսնակ Լիլիթ Շաբոյանը Իրավաբան․net-ին հայտնեց, որ Դատական դեպարտամենտի ղեկավար Կարեն Փոլադյանը երկուշաբթի օրվանից աշխատանքի չի գա։ Այլ մանրամասներ դեռ հայտնի չեն։

Ավելի վաղ տեղեկություն էր տարածվել այն մասին, որ Փոլադյանը աշխատանքից ազատման դիմում է ներկայացրել։

Ըստ մամուլում շրջանառվող լուրերի՝ այդ պաշտոնին նշանակելու համար քննարկվում է Փաշինյանի իրավական գծով խորհրդական Աննա Վարդապետյանի թեկնածությունը։