Երևանի ավագանու «Լույս» խմբակցության անդամ Թեհմինա Վարդանյանն անդրադառնալով ապօրինի շինությունների քանդման գործընթացին ասաց.
«Պարոն Մարության, հիմա լինելու է նոնսենս, որովհետև ես ևս պատրաստվում եմ Ձեզ խրախուսել: Անկեղծ լինելու համար պետք է ասեմ, որ առաջին մի քանի օրը լուռ հետևում էի, ինքս Աջափնյակում եմ բնակվում և գնացել նայել եմ այս շինությունները, ինչպես նաև նայել եմ քանդման պրոցեսները ու համայնքային հողի վրա, գազոնների վրա, կանաչապատ տարածքների վրա նմանօրինակ շինություններ կառուցելը կարծում եմ՝ այո, պետք է արժանանար այդ բախտին»,-նշեց նա:
Վարդանյանն ասաց՝ ուրախ եմ, որ այդ գործընթացը մի քանի օր չտևեղ և շարունակական է:
«Պատրաստ եմ սատարել ձեզ այս հարցում և ուզում եմ «դուխ» տալ»,-հավելեց Թեհմինա Վարդանյանը:
