ԱԺ 7-րդ գումարման պատգամավոր Գևորգ Պապոյանը ֆեյսբուքյան իր էջում գրել է․

«Համադրելով «Քաղաքացիական պայմանագիր» կուսակցության նախընտրական ծրագրի 5-ամյա անելիքը և Եվրոպական միության կողմից ՀՀ-ին տրամադրվեքիք 2.6 մլրդ եվրո աջակցությունը, տեսնում եմ, որ առաջիկա տարիներին մեր երկիրը լուրջ զարգացման ու վերափոխումների է ենթարկվելու, և 5 տարի անց մենք ունենալու շատ ավելի բարձր կենսամակարդակով, շատ ավելի բարձր վճարվող ու բարձր զբաղվածության տոկոսով բնակչություն, որակապես շատ ավելի զարգացած ենթակառուցվածքներ, ավելի որակյալ ու հասանելի առողջապահություն, կրթություն, զարգացող գիտություն, ավելի բարենպաստ գործարար միջավայր, զարգացած գյուղեր և քաղաքներ։

Ահա այն ամենի մի փոքր մասը, որը պետք է միասին կառուցենք և իրականացնենք առաջիկա 4-5 տարիներին և որի սեփականատերը ու շահառուն ՀՀ քաղաքացին է. հազարավոր կիլոմետրերով նոր ճանապարհներ, հարյուրավոր նոր դպրոցներ ու մանկապարտեզներ, տասնյակ ջրամբարներ, կամուրջներ ու թունելներ, հազարավոր կիլոմետրերով ոռոգման և խմելու ջրի խողովակաշարեր, գազատարներ, հարյուրավոր մեգավատ հզորությամբ վերականգնվող էներգետիկայի կայաններ, տասնյակ նոր արդյունաբերական ու զբոսաշրջային ենթակառուցվածքներ, նորակառույց թաղամասեր Երևանում, հարյուրավոր նոր խոշոր, արտահանմանը միտված ջերմոցային տնտեսություններ, ավելի լավ պաշտպանական ենթակառուցվածքներ, և միջավայր, պրոֆեսիոնալ բանակ, ավելի պաշտպանված քաղաքացի և որակյալ ու արդար դատական համակարգ և այլն։

Ես հավատում և տեսնում եմ, որ մեր երկրում ֆանտաստիկ լավ ապագա կա։

ՀԳ։ Վերոնշյալ աշխատանքների մեծ մասը արվելու է մեր պետբյուջեի հաշվին»։